الشرق الاوسط: هەرێمی كوردستان بۆ وەرگرتنی موچەكانیان هانا بۆ دادگای فیدراڵی دەبەن
زێد نیوز:
رۆژنامەی الشرق الاوسط لە ھەواڵێکیدا دەڵێت: وا دیارە فەرمانبەرانی هەرێمی کوردستان هیچ بژاردەیەکی دیکەیان لەبەردەمدا نەبووە جگە لە دادگای فیدڕاڵی بۆ وەرگرتنی مووچەکانیان.
ئاماژەی بەوەشداوە: ئەویش لە کاتێکدا کە گرفتەکانی نێوان هەولێر و بەغدا لە ماوەی ١٠ ساڵی رابردوودا بووەتە هۆکاری دواکەوتن یاخود خەرجنەکردنی مووچەکانیان.
رۆژنامەکە باسی لەوەشکردوە: دادگای فیدڕاڵی بڕیاریداوە کە پێداچوونەوە دەکات بە داواکارییەکەی فەرمانبەرەکان بۆ دەرکردنی فەرمانی سالاری لە نزیکترین کاتدا.
ئەوەشی راگەیاندوە: بەڵام دیار نییە کە ئایا دادگاکە فەرمانی سالاری دەردەکات بە رەچاوکردنی ناکۆکییە داراییە قوڵەکانی نێوان هەولێر و بەغدا کە تەمەنیان بۆ ١٠ ساڵ درێژدەبێتەوە.
|
زیاتر...