ناسنامەی قوربانیەکان لەلایەن پۆلیسەوە بڵاوکرایەوە، ناویان ( صدیق مارف محمد ) و کوژاوەکەی تر سەر بەعەشیرەتی دەسەڵاتداری جافە، ناوی ( علی صلاح عسمان )-ە لەهەمانکاتدا ئامۆزایەکی بەناوی ( محمد ڕزگار عسمان ) بریندارە.
بە پێی زانیارییەکانی پۆلیس؛ بریندارەکە ئەفسەرە لە ناو هێزەکانی ئاسایش و ڕزگار عسمان محمد ی باوکی پلەی (مقدم) ی هەیە لە ڕیزەکانی پێشمەرگە سەر بەعەشیرەتی دەسەڵاتداری جافە.
پۆلیس دەڵێت؛ ڕووداوەکە لەسەر کێشەی شەرەف بووە، کوڕێکی ئەو پیاوەی کە جافەکان کوشتویانە، ناوی ( وریا صدیق مارف )ە، ناوبراو پەیوەندی سۆزداری لەگەڵ کچەکەیان ( ئەفراح ڕزگار عسمان ) هەبووە، پاش ئاشکرابونی پەیوەندییەکەیان کەسوکاری هەڵدەکەوتنە سەر ماڵی باوکی وریا.
بنکۆڵکاری پۆلیس ئاشکرایکردووە؛ ئەفراح و چەند هاوڕێیەکی خوێندکار بوون لە "زانکۆی سلێمانی" وریا شۆفێری تاکسی بووە، بەهۆی هاتۆچۆ پێکردنیانەوە، یەکتریان ناسیوە و پەیوەندی خۆشەویستیان دروست کردووە.
ڕاگەیەندراوەکەی پۆلیس دەڵێت؛ وریا دوو جاریش چووەتە خوازبێنی ئەفراح ئەوینداری، بەڵام لەلایەن باوکی کچەکەوە بەبیانوی ئەوەی خاوەن عەشیرەت و دەسەڵاتدارن و هەروەها مەبەستی بووە، لە هاوڕێیەکی خۆی مارە بکات، ڕەتیکردۆتەوە کچەکەی بداتە وریا و تێکەڵ بە بنەماڵەیەک بێت لە ئاست نێوبانگ و دەسەڵاتی خۆیان نەبن.
هەربۆیە کوڕ و کچەکە لەترسی ئاشکرابونیان و مارەکردنی لە هاوڕێکەی باوکی بەناچاری هەڵدێن، دوابەدوای ئاشکرابونی هەڵاتنیانەکەیان، کەسوکاری کچەکە هەڵدەکوتنە سەر ماڵی وریا و لەئەنجامی ڕووبەڕووبوونەکەش کوژراوی برینداری لێدەکەوێتەوە.
پۆلیس دەشڵێت؛ وەک لە کامێراکانی چاودێرییەوە دەرکەوتووە هەریەک لەباوک و براو مام و ئامۆزایەکی کچەکە هەڵدەکوتنە سەرماڵی باوکی کوڕەکە پاشان هەریەک لە ( ڕزگار عسمان محمد ) باوکی کە پلەی " مقدمە لە هێزەکانی پێشمەرگە و مامی ( صلاح عسمان محمد ) کە لەناو هێزەکانی پۆلیس پلەی ( نەقیب )ی هەیە، هەڵدێن.
لە کۆتایی ڕاگەیەندراوەکەی پۆلیسدا هاتووە؛ تاوانباران سەرباری ئەوەی ئامادەنین خۆیان ڕادەستی یاسا بکەن، هەڕەشەی دۆزینەوە و کوشتنی کچ و کوڕەکەش دەکەن.